Saturday, April 19, 2008

கவிதை காதல் – வேர்ட்பிரசில் முதல் பதிவு!

‘எனக்கு உன்னைப்போல


கவிதையெழுதத் தெரியாது’ என்கிறாய்.


எனக்கும்தான் உன்னைப்போல


கவிதை பேசத் தெரியாது!


 


*


 


கல்லூரியில் கூட


யாரையும் பார்த்து தேர்வெழுதியதில்லை.


காதலில் மட்டும்


உன்னைப் பார்த்துதான் கவிதையெழுதுகிறேன்.


 


*


 


கவிதையெழுதுவதில்


என் விரல்களை வென்றுவிடுகின்றன


உன் இதழ்கள்!


 


*


 


நீ கையொப்பமிட்டு தரும்


எந்தப் புத்தகமும்


கவிதைப் புத்தகம்தான்!


 


*


 


இப்படி வாசிக்க…


ஆயிரம் கவிதைகள் இருக்கின்றன.


நேசிக்க…நீ மட்டும்தான்!


 


*


ஒருவழியா வேர்ட்பிரசுக்கு மாறி ஒரு கவுஜைப் பதிவும் எழுதியாச்சு. ப்ளாக்கர் – வேர்ட்பிரஸ் மாற்றம் நடந்தபோதும், வேர்ட்பிரஸ் நீட்சிகளைப் பயன்படுத்தத் துவங்கியபோதும் சிரமமிருந்தாலும் எப்படியோ சமாளிச்சாச்சு! வேர்ட்பிரசுக்கு மாறினது குறித்த விரிவான பதிவு ஓரிரு நாளில் பதிக்கிறேன். புது வீடு எப்படியிருக்குனு சொல்லிட்டுப்போங்க :)