க‌ளவாடிய கவிதைகள்

[caption id="attachment_412" align="alignright" width="300" caption="க‌ளவாடிய கவிதைகள்"][/caption]மொட்டுக்க‍ள் பூக்க‍ட்டுமென நீரில் விட்டுவைக்கிறாய்.
உன் கூந்தலேறியதும் அவை இளமை திரும்பி
மீண்டும் மொட்டுக்க‍ளாவது உனக்கு தெரியுமா?
o0o
கடலுக்கும் கரைக்குமான எல்லையை
வரைய முடியாமல் தத்த‍ளிக்கிறது அலை...
நட்புக்கும் காதலுக்குமான எல்லையை
வரையறுக்க‍ இயலாத இதயம்போல!
o0o
இருவரும் சேர்ந்து ஊதிய பலூனில்
காற்றுக்குப் பதில் முத்த‍ங்களை நிரப்பிக்கொண்டிருந்தோம்.
கயிறறுந்து பறந்துகொண்டிருந்தது காதல்!
o0o
உறங்கிய பிறகு உன் நெற்றியிலிட்ட‍
ஒற்றை முத்த‍த்தில் இரட்டைச்சத்த‍ம் எப்ப‍டி?
இரண்டாவது சத்த‍ம் கனவில் நானிட்ட‍ பதில் முத்த‍மடா!
o0o
முழுவாழ்வையும் ஒரு நாளுக்குள் அடக்கி
அதன் பகல்பொழுதை நிறைவுசெய்து
இரவுப்பொழுதை துவக்கி வைத்திருக்கிறது
உனது பிரிவு.
o0o
கூந்தல் கவிதை,
கடையொன்றில் பார்த்த‍ சேலையணிந்த ஒரு ரோஜாச்செடியிலிருந்து பறித்த‍து.
அலை கவிதை,
நண்பனின் காதலையேற்க முடியாது புலம்பிய கல்லூரித்தோழியிடம் களவாடியது.
பலூன் கவிதை,
திருவான்மியூர் கடற்கரையில் பலூனுக்குள் காதலை நிரப்பிக்கொண்டிருந்த ஜோடியிடம் அள்ளியது.
முத்த‍க் கவிதை,
முகம் தெரியாத தேவதையொருத்தி கனவில் வந்து விட்டுப்போனது.
பிரிவு கவிதை,
டாஸ்மாக் பாரில் ஆறாவது சுற்றுக்குப் பிறகு தன்னிலை புலம்பிய நண்பனிடம் திருடியது.

க‌ளவு கொடுத்த‍வர்கள் கண்டுபிடிக்கும்வரை
துணிவுடன் சொல்லிக்கொள்ள‍லாம்...
எல்லாமே எனது கவிதைகளென!