Tuesday, July 27, 2010

பழைய பேருந்து நிலையம்

ஊருக்கு புதிய பேருந்துநிலையம் வந்ததிலிருந்து நிறைய மாற்றங்கள்.
பிரபலமான உணவகங்களும் விடுதிகளும் புதிய பேருந்துநிலையமருகே இடம்பிடித்தன.
மிகப்பெரிய விளம்பரப் பலகைகளும், கட்டவுட்டுகளும் கூட இடம்பெயரத் துவங்கின.
ஊருக்குள் போக்குவரத்தும் மாற்றிவிடப்பட்டிருந்தது. [caption id="attachment_430" align="alignright" width="300" caption="பேருந்து நிலையம்"]பேருந்து நிலையம்[/caption]
வெளியூர் செல்லும் பேருந்துகள் இனி பழைய பேருந்து நிலையத்துக்குள் செல்லாவாம்.
நகரப்பேருந்துகளுக்கும், சிற்றுந்துகளுக்கும் மட்டுமே அனுமதி.
கடலை வண்டிக்காரர்களும், இரவுநேர தள்ளுவண்டிகளும் கூட இடம் மாறினார்கள்.
பிச்சைக்காரர்களும் கைவிட்டுப்போனபிறகு,
பழைய பேருந்துநிலையம்
கொஞ்சம் கொஞ்சமாக பொலிவிழந்து கொண்டிருந்தது.
அழகான இளம்பெண்ணைச்
சக்களத்தியாய் ஏற்றுக்கொண்டுவிட்ட
மூத்தாளைப் போல!